خوازيق السند
#خليك_مهندس_محترف
#خــوازيق_الســـنددي نوع من الخوازيق (شبه أعمدة وليست اعمدة ) يتم تنفيذها داخل التربة , وهي تختلف عن الخوازيق العاملة (التي تنفذ تحت القواعد والأساسات كنوع من الاساسات بتنفذ قبل عملية الحفر تماما كإجراء إحترازي لحماية المنشأت المجاورة -------------------------------------------------------------------------------#أمتــي ؟؟؟• في حالة الحفر بعمق تحت عمق أساس مبني مجاور وهذا قد يؤدي إلي إنهيار المبني المجاور أو تضرره بأي شكل ( وده بيحصل كتير لما نكون هنعمل بدرومات سفلية )• في حالة الحفر لأعماق كبيرة (بدون وجود جار خالص ) والتربة قابلة للإنهيار وده بيحصل في حالة تنفيذ الخزنات والمنشأت الارضية ------------------------------------------------------------------------------#نظامها_إيه عبارة عن خوازيق جواها قفص حديد ( بيحدده أستشاري التربة والأساسات )بيتم تحديد عمق الخازوق (علي حسب الحفر اللي هنحفره وبنضيف جزء ركيزة في التربة )كمان بيحدد قطر الخازوق - وكمان بيحدد التسليح بتاعه وبيتم وضعه بواسطة مكينة معينة في التربة بطول المسافة المارد سندها سواء جنب جار أو علي حافة الحفر ذي ماقلنا لو هنحفر أعماق كبيرة -----------------------------------------------------------------------------أشكال تنفيذها • ممكن تنفذ متلاصقة ==> في حالة الاحمال الجانبية الكبيرة وده طبيعي لما يزيد العمق وبرده في حالة التربة الضعيفة , وبرده بنفذها متلاصقة في حالة تيقن إن المياه الجوفية هتطلع علينا وإحنا بنشتغل وده هيضر ي حاجتين 1- تكلفة عليا 2- ضرر لمنشأ المجاور لما يتسحب من تحتيه المياه الجوفية ممكن يسبب هبوط • ممكن يتنفذ خازوق خرساني جنب خازوق بنتونيت ===>>ده في حالة إن الأحمال تسمح بتنفيذ الخوازيق علي مسافات غير متلامسة لكن فيه مياه جوفية هتأثر علينا فلازم نسد المسطح كله جنب الجار فبدل ما أسدها بخوازيق سند مسلحة ومكلفة بحط في النص بين كل خازوقين مسلحين خازوق بنتونايت ده بيوفر في الحديد كمان مابعملوش بنفس عمق خازوق الحديد ده بما إنه ذي حشو للخوازيق الساندة فأنا بنزله مسافة أسفل الحفر مستقبلا نصف متر فقط • ممكن ننفذها متباعدة ===>> الأحمال تسمح بكده والميأه مأمون تأثيرها يعني مش هتخوفني أو مش موجودة أصلا ------------------------------------------------------------------------#القفص_التسليحي عبارة عن أسياخ رأسية وبتلف حوليها كانة أسبيرل بيتم تربيطها بطريقة محكمة يتم إستلامه ذي ما مكتوب في الصور كده ------------------------------------------------------------------------#مكينات_الحفر• الاستراوس ==>> دي السيبة ودي حاجه قديمة ومازالت شغالة لكن بصورة نادرة ويحبز إستخدامها في المناطق التي يصعب لأسباب فنية أو سكانية إدخال مكينة الخوازيقودي بطيئة بينفزوا من خازوق لخازوقين يوميا • الــمكينة ===>> مكينة الخوازيق المعدلة (القديمة لا يمكنها الوقوف جنب الجار وتنفيذ خاورق ملمس للجار ) ودي مفضلة في الإستخدام وبتنجز في الشغل أضعاف الأستروس ودي بتحفر مكان الخازوق وبعد كده ننزل القفص وبعد كده نصبه بقمع بنزل فيه الخرسانة ------------------------------------------------------------------------بنصب خوازيق البنتونايت في الأول كلها وبعد كده بصب بينها السند فبيتم حشرها في بعضها كضمان لسدها تماما لمنع تسرب المياه ------------------------------------------------------------------------#المسافة_بين_الخوازيق_المصبوبة طبعا ما ينفعش أصب خازوق وبعد كده أصب اللي جانبه (الدنيا هتخش في بعضها ويحصل إنفصال في الخرسانة اللي لسه ممكن ماتكونش شكت نهائي وه عك )بنصب خازوق ونسيب مسافة 12* قطر الخازوق ونصب الثاني ومشهور في السوق صب خاوق (من فئة ) وترك الاخر يعني وأنا بصب البنتونيت أصب واحد بنتونيت وأسيب واحد بنتونايت وهكذا في المسلح ------------------------------------------------------------------------#الهامة أو كمرة الربط دي بيتم تنفيذها بعد صب الخوازيق بـ 28 يوم حيث يتم حفر جزء بمق الكمرة دي اللي غالبا ماتكون 60 سم وبعد كده نضع حديدها ونصبها وبعد كده نحفر بقي للموقع بعد ما يمر فترة مناسبة كيف بنحط الخوازيق دي في مكانها الصحيح , وكيف بأستلمها دي ممكن تشوفها في الصور
0 التعليقات:
إرسال تعليق