صندوق المعايرة

#خليك_مهندس_محترف

 صندوق المعايرة 

كلنا حافظين النسب دي أكيد وعديت علينا مرات كتير جدا
عايز أعمل 1 م3 خرسانة عادية ( 0.8 م3 سن ( زلط ) + 0.4 م3 رمل + 250 كجم اسمنت + 125 لتر مياه )
عايز أعمل خرسانة مسلحة ( 0.8 م3 سن ( زلط ) + 0.4 م3 رمل + 350 كجم اسمنت + 175 لتر مياه )
وممكن طبعاً تختلف علي حسب مقاومة الخرسانة اللي أنا بستهدفها 👍طب نفترض أني في الموقع بخلط يدوي أو بخلاطة عادية ومش متاح ليا أني أجيب خرسانة جاهزة أزاي اقدر أحافظ علي المواصفات دي .. وازاي أعرف أساساً كل شيكارة أسمنت هحطها في القلبة للخلاطة هتحتاج قد أيه ( سن / زلط ) و رمل؟🤔🤔هنا بيظهر دور ( صندوق المعايرة ) وده من أسمه واضح أنه أداة بعاير بيها المواد المستخدمة في الخلطة بتاعتي عشان أحافظ علي النسب صحيحة وأحقق الخلطة بتاعتي بالمقاومة اللي أنا محددها بالظبط 💪تعالي معايا نعرف أزاي نقدر نعمل صندوق المعايرة وأزاي نستخدمه بالتفصيل وبسهولة ومن غير تعقيد ونعمل مثال علي خلطة الخرسانة العادية 😉أول خطوة أني هطلب من النجار في الموقع يعملي صندوق معايرة أبعاده ( 1 م * 1 م ) وارتفاعه 0.4 م = 40 سم ) كده أن بقي عندي صندوق حجمه 0.4 م3 يعني أنا لو مليت الصندوق ده بأي عنصر يبقي حجم العنصر جوه الصندوق 0.4 م 3 وأنا اخترت يكون حجمه 0.4م3 علشان الرمل عندي في النسب 0.4 م3 فأنا هقيس عليها .
2- هجيب مقطف - براويطة أي شئ عندي أنا هستخدمه في ملئ الصندوق بس بشرط أني أكون هستخدمه برضه يوم الصبة مينفعش أكون بعاير بشئ وانا هستخدم حاجة تانية ولنفترض أني هستخدم مقطف ( صورته موجوده للي مسمعش الأسم قبل كده )
3 - هروح علي الرمل وأملئ المقطف بيه و أحطه في صندوق المعايرة وأكرر العملية لغاية ما الصندوق يتملي تماماُ وأحسب أنا كررتها كام مرة لحد ما مليت الصندوق بتاعي
ونفترض مثلاً أن 20 مقطف رمل قاموا بملئ صندوق المعايرة اللي هو حجمه 0.4 م3
يعني بأسلوب تاني بقي أن 0.4 م3 رمل = 20 مقطف رمل
4- نفس اللي عملته مع الرمل أعمله مع السن بالظبط وأشوف أنا مليت الصندوق بتاعي في كام مره ولنفترض أني مليته علي 15 مرة ده معناه أن
0.4 م3 سن = 15 مقطف سن
بس مننساش أني في المعادلة بتاعتي أنا محتاج 0.8 م3 سن يعني الضعف يعني ضعف حجم الصندوق يعني كنت محتاج أملاه علي مرتين يعني المفروض أضرب *2
يبقي 0.8 م3 سن = 30 مقطف سن
5- طب المتر مكعب خرسانة بيحتاج كام شيكارة أسمنت .. هو قال انه عايز 250كجم أسمنت والشيكارة 50 كجم = 5 شكائر اسمنت
6- انا عارف أني هحط في كل قلبة في الخلاطة شيكارة أسمنت واحدة عايز أعرف بقي هحط معاها قد أيه رمل وسن .. من نسب الخلط انا عرفت بقي
0.8 م3 سن + 0.4 م3 رمل + 250 كجم أسمنت + 125 لتر مياه
30 مقطف سن + 20 مقطف رمل + 5 شكاير أسمنت + 125 لتر مايه
أقسم علي 5 عشان أجيب كل شيكارة أسمنت محتاجه قد أيه
6 مقطف سن + 4 مقطف رمل + شيكارة أسمنت + 25 لتر مايه
يبقي وانا واقف وبستخدم الخلاطة العادية عارف أن في كل قلبة بحط فيها
( شيكارة أسمنت + 4 مقاطف رمل + 6 مقاطف سن + 25 لتر مياه ) وده اللي انا عرفته من صندوق المعايرة عشان تبقي كل قلبة محافظة علي النسب اللي أنا كنت محددها بالظبط 

شاركه على فيسبوك شاركه على تويتر شاركه على جوجل بلس

عن 2Wint